زفة | كلمة مشاعر

ألحان تنبض بالعاطفة وتعكس أعمق المشاعر، هذه الزفة تعد بأن تجعل كل خطوة في زفافكم ترانيم حب لا تنسى. احجزوها الآن لتكون لحظات زفافكم احتفالاً بالحب الخالد!

الكلمات :

زفة كلمة مشاعر
دخلي واكتبي كلمه
فيها القلبين شارك
محروسه بجزْءِ عمه
ومحفوظه ابتبارك
*سمي وابتدي بالله*
*ودخلي بـ احلى طلّه*
*ما شااءَ الله ما شا الله*
*في حسنٍ تجلى*
رسمي على .. وجه السما
قلبٍ بإحساسه نابض
شوقه من النظره فايض
وحِسْنِ اشهقت له النوابض
بنظرة غرام
كوني سحِر .. بين الملا
يا *زهره* شعي للنواظِر
ونثري الهوى في المشاعر
والحَفْلِ لچ جفنه ساهر
بشوق وهيام
والكونِ في كفه
وانتي وحسنچ بكفه
يا محلا نظرة العين
إمشي على النغمه
وسمعي لكل كلمه
ومسكي دفا هالايدين
يا زهره هالاحساس
هذي الليله ما ينقاس
عيشي الليله بالشوق
عزفي الهوى اغنيه
ابنظراتِ ورديه
يم الحسنِ والذوق

_______________________

إخطي خطوة الفرحه
ودقي باب الاحساس
وايدين الهوى اتفتحه
يا تاجٍ على الراس
*سمي وابتدي بالله*
*ودخلي بـ احلى طلّه*
*ما شااءَ الله ما شا الله*
*في حسنٍ تجلى*
إنتي غلا .. وكل الحلا
يا صوره تضوي بحلاها
يا امنيه بكل ضواها
يلي ظهر كل هواها
بين العيون
يا فاتنه .. يا مذهله
والعقْلِ في شوقه سارح
يا فاتنه بكل الملامح
يا *زهره* *علي* لچ يصارح
بشوق وجنون
الوجوه مبتسمه
فيها حكي وكلمه
ونظراتِ قلبِ ولهان
انتي فرح قلبه
واشواقه وحبه
في كل غرامه غرقان
يا *زهره* كل نظره
معنى بهذي السهره
وعيشيها وتعالي
انتي الحلا كله
والانوار تتجلّى
وتتشرف الليالي

__________________________

فستان الفرح زاهي
وانتي من تحلّيه
وظل عقل الهوى ساهي
وانتي بس ترى فيه
*الكورال*
كوشة حفل .. فيها اجتمع
احلى قمر واحلى نجمه
يا محلاها الليله لـمّه
كل من حكى بشوقه كلمة
فيها الحنين
وانتو سوى ..محلا الهوى
والشعْرِ فيكم تحيّر
زهره وعلي بحلا منظر
منهو حجم حبه أكثر
ياعاشقين
صلو على طه
والنجوم بسماها
وعيشو السهر حبيبين
كلمة هوى قولو
وهمسة غزل قولو
والعينِ تحكي للعين
زهره الفرح انتي
زهره العشق انتي
وانتي الهنا وشعوره
انتي الفرح كله
وانتي القمر واحلى
وانتي الحفل ونوره